Plantun de Prouvènço

Pèr coumpara dos planto d'encò nostre

Daphne gnidium & Vicia sallei

Garou

Daphne gnidium

Thymelaeaceae

Àutri noum : Canto-perdris, Bos-d'auriho, Sorbo-galino, Boufo-galino, Erbo-laurino.

Noms en français : Garou, Sain-bois.

Descripcioun :
Lou garou es un aubret que fai de lòngui ramo amarinouso e que trachisson vite. Li fueio soun longo e un pau espèsso (fotò). Fai de flour blanco e de fru roujo un cop madur.

Usanço :
Es uno planto forço empouisounanto, majamen si fru. Sa rusco èro acampado à passa tèms pèr n'en faire de poumado e "sougna" la pèu. Douno de bruladuro gravo, mesfisas-vous pèr lis iue. La doso mourtalo èi d'uno deseno de fru (caup d'eterousido).

Port : Aubret
Taio : 50 à 200 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Daphne
Famiho : Thymelaeaceae

Coulour de la flour : Blanco
Petalo : 4
Ø (o loungour) flour : 6 à 10 mm
Flourido : Printèms - Estiéu - Óutobre

Sòu : Ca
Autour basso e auto : Pancaro entresigna
Aparado : Noun
Remarco :
Mars à óutobre

Liò : Relarg à jòuinis aubret - Garrigo - Colo
Estànci : Termoumediterran à Mesoumediterran
Couroulougi : Mediterranenco-Atlantico
Ref. sc. : Daphne gnidium L., 1753

Vesso(-de-Sallè)

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).